Friday, September 17, 2010

पृथ्वीराज रासो ( Prithviraj Raso) - चंदबरदाई ( Chandbardai)

पद्मसेन कूँवर सुघर ताघर नारि सुजान।
ता उर इक पुत्री प्रकट, मनहुँ कला ससभान॥

मनहुँ कला ससभान कला सोलह सो बन्निय।
बाल वैस, ससि ता समीप अम्रित रस पिन्निय॥

बिगसि कमल-स्रिग, भ्रमर, बेनु, खंजन, म्रिग लुट्टिय।
हीर, कीर, अरु बिंब मोति, नष सिष अहि घुट्टिय॥

छप्पति गयंद हरि हंस गति, बिह बनाय संचै सँचिय।
पदमिनिय रूप पद्मावतिय, मनहुँ काम-कामिनि रचिय॥

मनहुँ काम-कामिनि रचिय, रचिय रूप की रास।
पसु पंछी मृग मोहिनी, सुर नर, मुनियर पास॥

सामुद्रिक लच्छिन सकल, चौंसठि कला सुजान।
जानि चतुर्दस अंग खट, रति बसंत परमान॥

सषियन संग खेलत फिरत, महलनि बग्ग निवास।
कीर इक्क दिष्षिय नयन, तब मन भयो हुलास॥

मन अति भयौ हुलास, बिगसि जनु कोक किरन-रबि।
अरुन अधर तिय सुघर, बिंबफल जानि कीर छबि॥

यह चाहत चष चकित, उह जु तक्किय झरंप्पि झर।
चंचु चहुट्टिय लोभ, लियो तब गहित अप्प कर॥

हरषत अनंद मन मँह हुलस, लै जु महल भीतर गइय।
पंजर अनूप नग मनि जटित, सो तिहि मँह रष्षत भइय॥

तिहि महल रष्षत भइय, गइय खेल सब भुल्ल।
चित्त चहुँट्टयो कीर सों, राम पढ़ावत फुल्ल॥

कीर कुंवरि तन निरषि दिषि, नष सिष लौं यह रूप।
करता करी बनाय कै, यह पद्मिनी सरूप॥

कुट्टिल केस सुदेस पोहप रचयित पिक्क सद।
कमल-गंध, वय-संध, हंसगति चलत मंद मंद॥

सेत वस्त्र सोहे सरीर, नष स्वाति बूँद जस।
भमर-भमहिं भुल्लहिं सुभाव मकरंद वास रस॥

नैनन निरषि सुष पाय सुक, यह सुदिन्न मूरति रचिय।
उमा प्रसाद हर हेरियत, मिलहि राज प्रथिराज जिय॥

13 comments:

  1. हिंदी कविता संस्था
    आशीर्वाद
    १९५८ से पृथ्वीराज रासो चंद बरदाई की खोज में थी
    पढ़ कर अश्रू आ गए आब कहाँ ऐसी मिठास ,भाव
    धन्यवाद

    ReplyDelete
    Replies
    1. i m very happy today that i read one of the best poem in the world...lott of thanks...

      Delete
    2. i m owe of u that i read this poem only by the help of you..

      Delete
    3. मुझे खुशी है की आपकी यह इच्छा पूरी हुई

      Delete
  2. I am very thankful to you for uploading This Epic Poem..On Reading That Tears Came in my Eyes..

    ReplyDelete
  3. Replies
    1. Will try and post more poems from him.

      Delete
  4. I wanted to read chand bardai's poem for so long finally found one but unfortunately couldnt understand anything can anyone tell me the gist of this poem???? please????

    ReplyDelete
  5. I wanted to read Chand Bardai's peom for so long...finally found one but sadly couldnt understand anything...can anyone tell me the gist of this poem??? please???

    ReplyDelete
  6. I am not qualified to explain this poem. If someone can explain then I can post it.

    ReplyDelete
  7. thanks for this work it is realy incridible i dont have any kind of word ,

    ReplyDelete